Keid's POV:
"Bakit kasi hindi mo nalang hiwalayan?"
"H-hindi ko kaya, guys," sagot ni Yna kaya napailing nalang ako. Nandito kami ngayon sa bar at nag-uusap-usap tungkol kay Yna at Gunner, sa relasyon nila.
"Alam mo, Yna, mas lalo lang kayong mag-aaway ni Gunner niyan. Bakit ba ang hirap sa 'yong pakawalan siya? Hindi ba mahal mo na kamo si Cloud?" saad pa sa kaniya ni Ara na ikinatango-tango ko. Kung pukpukin ko kaya 'to ng high heels na suot ko para matauhan na siya?
"Tama sila, Yna, hindi naman dalawa ang puso mo. Maawa ka kay Gunner," sambit naman ni Aenna.
"Mahirap naman talaga 'yung sitwasyon niya, e," pagtatanggol naman ni Zemie kay Yna. Kahit kailan talaga 'tong batang ito.
"Alam naman namin na mahirap, pero kung papatagalin mo pa, mas lalo ka lang masasaktan, Yna. Kayong dalawa ni Gunner," Ara said.
"Kawawa naman kasi si Yna-"
"Naku, Zemie magtigil-tigil ka lang! Kunukunsinti mo pa kasi si Yna, mali naman talaga siya!" putol ko rito dahilan ng pag-iyak niya.
"Huhuhu! Kasi naman, e-"
"Zemie, hindi mo kailangang umiyak. Ang sa amin lang, bilang kaibigan niyo, ni Yna, dapat bigyan namin kayo ng payo," mahinahong saad sa kaniya ni Ara. Nagpunas naman ito ng luha niya habang nag-iiwas ng tingin sa 'kin.
Ang sarap paluin sa puwet nitong batang 'to.
"Kung iyan 'yung sa tingin niyong makakabuti sa 'min, sige, gagawin ko," nakayukong saad sa amin nito. Napabuntong-hininga naman ako at agad siyang tinabihan at niyakap.
"Okay lang 'yan, Yna," bulong ko pa. Hindi naman kasi ako marunong mag-advice. Wala pa akong karanasan sa true love true love na 'yan.
"Pag-isipan mong mabuti Yna. Nandito lang naman ang team para sa 'yo," saad pa sa kaniya ni Ara. Tama naman siya. Kahit ano mang mangyari, laging nandiyan ang TBL at syempre ang TPL para pagaanin ang loob niyo.
"Salamat sa inyo, guys. Sobrang thank you pero may kailangan pa akong puntahan. Kailangan ko nang umalis."
"Saan ka naman pupunta?" kunot-noong tanong ko. Ningisian lang naman ako ng bruha kaya napairap nalang ako.
"Hayaan mo na siya, baka may gagawin naman talaga," saad sa 'kin ni Ara. Napabuntong-hininga naman ako at napasandal nalang sa inuupuan ko.
"Guys, nabasa niyo na ba 'to? Padami nang padami 'yung nambabasah sa tatlo, lalo na kay Zadie," saad samin ni Aenna kaya agad naming tiningnan ang phone nito.
"User si Zadie para sumikat, mang-aagaw talaga 'yang si Vince-what the?! Saan nila nakukuha 'yang mga pinagsasabi nila?" nakataas ang kilay na saad ko nang mabasa ko ang iba sa mga comments, under sa post na may relasyon si Zadie at Vince.
"Grabe 'to, oh, mas gusto raw pala ni Zadie ng mayaman, tapos lahat sila naawa kay Cloud kesyo pinagkaisahan daw, ginamit-lintek na mga nagko-comment na 'yan!" inis na sabi naman ni Ara. Napasimangot naman ako. Kamusta na kaya 'yung tatlo?
"Nasaan ba sila Zadie?" tanong ko pa. Wala kasi sila rito, nasa baba naman sila Axel, Gunner at Tyrone.
"Nag-uusap sila sa parking. Nag-aaway rin sila," sagot sa'kin ni Zemie kaya mas lalo akong napakunot ng noo.
"Si Jasmine kasi ang may kagagawan niyan, kaya nalaman ng mga taga-HU. Ngayon bina-bash na si Zadie ng mga fans nila ni Cloud dati!" saad naman ni Ara sa amin habang hawak-hawak nito ang phone ni Aenna. "Pati ba naman sa twitter namba-bash sila?"
"Kapag talaga nakita ko 'yung Jasmine na iyon, kakalbuhin ko 'yung bruha na 'yon!"
"Easy ka lang, Keid, alam naman nating lahat na malalaman at malalaman din nila ang totoo. Saka hello? Sikat kaya si Cloud at Vince, pati si Zadie dahil sa mga videos and pictures nila ni Cloud," saad naman sa 'kin ni Ara. May point naman siya pero hindi parin naman tama na basta-basta nalang nilang i-bash si Zadie, pati na 'yung mag-pinsan.
"Parang 'yung kay Rin lang dati," rinig naming bulong ni Aenna.
"Iba naman 'yung sa kanila. Mabilis kaya nilang natanggap 'yung sa kanila ni Vince," pagkontra ko sa kaniya at nagkibit-balikat.
Noong malaman kasi nila 'yung tungkol sa relasyon ng dalawa, oo may mga nagalit, nam-bash pero saglit lang 'yon. Hindi rin ganoon kasasakit 'yung mga natatanggap nilang comments at pamba-bash ng netizens.
"Iba talaga, si Rin at Vince kasi galing sa kilala at mayayamang pamilya. Natural, matatanggap agad sila. Ang hindi lang naman pabor no'n, e, 'yung nanay ni Rin!" pagsang-ayon naman sa'kin ni Ara.
"Sabi ng tita ko, pera at pagpapalaki ng negosyo ang habol ng mga Villin. Kaya nga kontrolado 'yung mga buhay nila, kahit noong mga bata palang sila," sambit naman ni Aenna kaya lahat kami ay napatingin dito. Kilala ko si Tita Ivory, oo masungit siya, suplada, strikta, pero hindi ko akalain na gano'n ang mundo nila.
"Ganiyan din sabi ni Mommy, iba raw 'yung mundo nila sa atin lalo na sa mga mahihirap. Kaya ayokong mapabilang doon, e!" saad naman ni Zemie. Buong akala ko masaya at maganda ang buhay na meron sila Rin. Biruin mo sobrang yaman at kilala ang pamilya nila.
"Buti na nga lang hindi ganoon si Tita Alice. Maluwag siya sa mga anak niya," saad ko na ikinatango nilang tatlo. Parang nanay narin kasi namin si Tita Alice. Sobrang bait niya.
"Pero guys, 'di ba nga nagalit siya kay Rin?" saad ni Ara dahilan para matahimik kami.
Noong malaman kasi ni Tita Alice ang ginawa ni Rin, nagalit siya. Sobrang nasaktan kasi ang anak niya. Si Vince, hindi makakain, makatulog, ayaw makipag-usap at lahat ng 'yon ay isinisisi niya kay Rin.
***
Zadie's POV:
"Gusto ko nang umuwi."
"Tsk, hindi pa nga tayo nakakapasok sa loob, uuwi ka na?" tanong niya na ikinairap ko. Kanina pa kasi niya ako kinukulit.
"Ayaw kong makita-"
"Sorry na kasi, bubwit. Hindi ka kasi nagsalita kaya akala ko pumayag ka," panghihingi ulit nito ng tawad sa 'kin. Inis naman akong naupo sa malaking bato sa gilid.
Nasa labas kami ngayon ng bar. Nagulat nalang kasi ako nang bigla akong hilahin ni Vince, matapos kong makababa ng sasakyan ni Tyrone.
"I won't do it again, okay? Hindi ko naman akalin na ipapahamak ka niya," saad pa niya at pinantayan ang mukha ko. Umiwas naman ako ng tingin dito, ngunit agad niyang hinawakan ang baba ko at ipinaharap ako sa kaniya. "Mag-sorry ka rin dapat sa 'kin."
"Why would I? Wala naman akong ginagawang masama sa 'yo," sagot ko.
"Anong wala? Tinawag mo kaya si Cloud na ulap ko!" saad pa niya kaya nakangising ko itong tiningnan.
"Siya naman talaga ang ulap ko-"
"Ulitin mo pa 'yan, hahalikan na talaga kita," putol niya. Agad ko siyang naitulak dahilan para mapaupo ito sa damuhan.
"Pervert!"
"Pft! I'm not," natatawa niyang sagot kaya nairap nalang ako. Nagulat ako nang hilahin nito ang tali sa suot kong hoodie dahilan para magsara iyon. "Mas maganda ka pala kapag nakatakip 'yang mukha mo."
"So, hipon ako gano'n? Bulag ka ba? Ang cute-cute ko 'di mo makita?" inis na sambit ko at binawi sa kaniya ang tali.
"Ang hangin mo, bubwit!" sagot naman niya. Napadaing pa ako nang pitikin niya ang noo ko.
"Napakasama mo talaga Vince Asher, napaka-bully mo!" nakangusong sabi ko rito habang hinihilot ang noo kong pinitik niya. Mahina naman itong tumawa at muling hinila ang tali.
"Ang ganda mo talaga kapag-"
"Hindi ako makahinga ng maayos, alam mo ba 'yon?!" putol ko. Binitawan naman nito ang tali kaya muli kong inayos ang suot kong jacket.
"Sabado bukas, ipapakilala na kita kay Mom at Dad," pag-iiba niya na ikinatigil ko.
"Bukas agad? Nung educ tour mo lang sinabi sa 'kin 'yan, ah," sagot ko rito. Tumabi naman ito sa 'kin at ginulo ang buhok ko na siyang ikinainis ko.
"Anong masama roon? Sasagutin mo naman ako soon, saka alam na naman nila."
Saglit akong natahimik habang nakatingin sa mga dumadaan sa harapan namin. I sighed as I turned to him. "Noong kayo ba ni Rin, ganito rin? I-I mean, may mga against din?"
He nodded. "Mga three to five days ata nila kaming pinag-uusapan sa social media."
"Nakalimutan ko, iba nga pala 'yung sitwasyon natin," bulong ko pero sapat lang para marinig niya.
"Rin's family and I are known for its wealth, mayroong mga malalaking company. Inisip siguro nila na parehas kami ng estado sa buhay kaya madali nilang natanggap," sagot nito sa 'kin kaya lihim akong napangiti ng mapait. Alam ko naman na sa panahon namin ngayon, hindi kaaya-aya sa tingin ng mga tao na ang isang babae o lalaki na galing sa hindi gaanong mayaman o hindi kilala sa industriya ay hindi nababagay sa mga lalaki o babaeng kilala at mayayaman.
"Gano'n ba? Pero sabi nila Ara, against ang Mom ni Rin sa inyong dalawa," saad ko pa.
Kahit alam ko na kung paano gumalaw ang mga Villin, gusto ko paring malaman 'yung sasabihin niya. Paano nalang kung masasama at hindi pala maganda 'yung pagtingin niya sa pamilyang 'yon? Malamang kapag nalaman niya ang totoo, ayawan na niya ako.
"Tama sila, wealth lang ang habol ng pamilya nila. Iba si Rin sa kanila pero wala siyang magawa dahil 'yon ang kagustuhan ng Mom niya," sagot nito kaya natahimik ako. Narinig ko ang mahihinang pagtawa nito at muling nagsalita. "Hindi pa ako heir noon, but when they found out about it, humingi ng tawad sa pamilya namin ang mga Villin."
I'm sure, nagsisi roon si Mrs. Villin. Kung nalaman lang siguro niya ang tungkol sa pagiging heir ni Vince, baka hindi siya tumutol. Baka hanggang ngayon ay sila pa rin.
"Ikaw? Wala ka bang gustong ikwento sa 'kin?" tanong nito kaya muli akong napahawak sa dibdib ko nang palihim.
"A-Ano bang gusto mong malaman?"
"Personal life? I mean... 'yung about sa 'yo at sa family mo," sagot nito kaya mas lalong bumilis ang tibok ng puso ko.
"O-Only child lang ako, 'yung parents ko nagtatrabaho sa ibang bansa," sagot ko rito habang iniiwasan ang mga tingin niya. Hindi naman ito nagsalita kaya nagpatuloy ako sa pagsasalita. "Bata palang ako natuto na akong mag-isa. Si Cloud, siya 'yung lagi kong kasama kaya siguro hindi ako sumama sa parents ko sa ibang bansa. I used to live alone, 'yung pamumuhay na gusto ko. I can live a very cool life or a sad one. I can live the way I want."
"Bakit naman? Do you not want to be with your family?" tanong niya kaya napaisip ako. Sino bang family ang tinutukoy niya?
"Gusto ko, gustong-gusto," I almost whispered as I heaved a long sigh. "Kung pwede lang."
"What do you mean? May problema ba kayo ng parents mo?"
I shook my head. "I-I just don't want to live a life being controlled by others."
I'm sorry, Vince.
I'm very sorry for saying those words that aren't the truth.
I'm sorry for lying to you.
Pero about my real family, it's true that I really want to live with them. I just don't want to be controlled by them.
***
Ara's POV:
"Pupuntahan ko lang sila Ty sa baba," paalam ni Keid kaya agad akong napakunot ng noo.
"Hayaan mo na sila roon, tingnan mo nga 'yang suot mo-"
"Hello? Ms. Felts, nasa bar kaya tayo, anong gusto mong isuot ko? Saya?" putol nito sa'kin. Matatalim ko siyang tiningnan dahilan para mapataas ito ng kilay.
"Huwag mo 'kong matawag-tawag na-"
"Bakit si Tyrone lang ba pwedeng tumawag sa'yo no'n? Gusto mo rin naman pala siya pakipot ka pa!" muling putol nito sa 'kin at nagmamadaling bumaba ng hagdan.
Napatingin ako kay Aenna na hinawakan ang isang kamao ko. Inis akong uminom ng wine nang magsalita ito.
"Hayaan mo na si Keid, hindi naman niya siguro intensyon-"
"Tsk! Namumuro na sa 'kin 'yang si Keid, ah, kung sagot-sagutin ako akala mo kung sino!" inis kong putol dito at tiningnan si Keid sa baba. "Tingnan niyo nga, mag-isa lang siya roon. Kung makalingkis kay Ty parang 'di niya alam na babaero 'yang si Tyrone!"
"Hayaan-"
"Hindi pwede 'yang ginagawa niya Aenna!" putol ko rito at pinuntahan ito sa baba. Pinigilan naman ako ni Zemie at Aenna ngunit hindi ko sila pinansin at hinatak si Keid.
"Ano ba?! Don't touch me!"
"Anong don't touch me!? Alam mo ba 'yang mga sinasabi mo? Namumuro ka na talaga sa 'kin Keid, ah!" sagot ko rito at binitawan siya.
"Ano bang problema mo? Wala naman akong ginagawa-"
"Anong wala?! Kung sagot-sagutin mo 'ko akala mo kung sino ka, ah? Ayusin mo lang 'yang sarili mo Keid, kung makalingkis ka pa sa iba!" putol ko rito at inirapan siya.
"Parang hindi mo 'to ginagawa dati-"
"Ara!"
"Keid!"
Hindi ko na napigilan ang sarili ko kaya malakas ko itong nasampal. Mabilis naman kaming inawat ni Aenna at Zemie nang sugurin ako ni Keid.
"Namumuro ka na rin sa 'kin! Hindi porket mas matanda ka sa amin-"
"Ugali mo ang ayusin mo, Keid! Oo ganiyan din ako dati pero mas malala ka!"
"Tumigil na kayo huhu!"
Inis kong tinanggal ang kamay ni Aenna sa braso ko at umakyat sa taas. Kung ganito rin naman, uuwi nalang ako.
"Saan ka pupunta-"
"Uuwi na! Bahala kayo riyan at huwag niyo akong susundan!" putol ko kay Aenna at nagmamadaling lumabas ng bar. Nag-abang ako ng taxi ngunit kahit isa ay wala man lang dumadaan.
"Bwisit! Napakatagal naman!" inis kong bulong. Agad kong ikinaway ang kamay ko. Finally, nakakita rin ako ng taxi.
"Sakay po kayo?" tanong nito sa 'kin. Napatango nalang ako at dali-daling binuksan ang pinto nang mapalingon ako sa bar.
"Mga bruha, hindi talaga ako sinundan!"
***
Lie Again
by: thesweetest_thing