Zadie's POV:
"Hijaa! Mabuti at napadalaw ka!"
"Hello po, tita," bati ko pabalik matapos ako nitong yakapin. Sumingit naman sa amin ang kaisa-isang anak niyang si Cloud.
"Ma, ipinagluto mo ba kami ni liit?" tanong nito kaya hindi ko mapigilang mapangiti.
"Oo naman! Sigurado akong na-miss niyong dalawa na sabay kumain ng cookies ko," sagot niya. Tulad ng dati ay agad kaming nagtungo sa kusina nila.
"Wala pong nagbago sa cookie niyo, sobrang sarap parin!" saad ko matapos tikman iyon. Nagkatinginan naman silang mag-ina at sabay na natawa.
"Naalala mo ba noon, liit? 'Yung kahit sunog 'yung cookies ni Mama, kinain mo parin lahat—"
"Dati pa 'yon! Kapag naaalala ko, mukha akong timawa no'n!" putol ko rito kaya't mas lalo silang nagtawanan ni tita.
"Nakakatuwa talaga kayo, pero may kailangan pa akong asikasuhin sa office ko. Maiwan ko muna kayong dalawa riyan," paalam sa 'min ni tita na ikinatango namin ni Cloud.
"Ubusin mo 'yan, liit!" saad ni Cloud kaya agad kong inusog ang tray sa tabi niya.
"Ang dami n'yan," tanggi ko ngunit agad ko ring inilapit sa 'kin ang tray. "Iuuwi ko nalang kung ayaw mo."
"Pft! Ang takaw mo talaga," natatawang saad niya at nag-umpisa na namang maglaro.
Kasalukuyan akong kumakain ng cookies nang tumunog ang phone ko.
"Hello?" sagot ko habang nakatingin sa phone ni Cloud, pinapapili ako ng gagamitin niyang hero.
"Bubwit, nag-aya si Jasmine na maglaro kami ng ml, okay lang ba?"
Hindi ako nagsalita, ngunit napakunot ako ng noo nang marinig ko sa kabilang linya ang boses ni Tyrone.
"Vince! Kanina ka pa hinihintay ni Jasmine!"
"Sige na, bubwit, salamat," sagot naman nito sa 'kin at ibinaba ang telepono niya. Inis ko namang binagsak ang phone ko. Wala pa nga akong sinasabi—
"Ang pangit mo—joke lang, bakit ka ba kasi nakabusangot?!" saad nito. Iniwas ko ang matatalim kong tingin sa kaniya at inis na sumandal sa upuan.
"Kapag ba hindi ako sumagot kapag may hinihiling ka sa 'kin o nagpapaalam, anong iispin mo?" tanong ko rito at muling kumagat ng cookies. Napaisip naman siya ngunit agad ding sumagot, nasa phone parin niya ang tingin.
"May kasabihan nga na silence means yes."
Napailing naman ako sa sinagot niya. Silence means yes? Hindi ba pwedeng kaya ako tahimik kasi ayaw ko? Hindi ba pwedeng silence means no?
"Maglaro ka nalang liit, online sila Ty. Makipaglaro tayo," saad sa'kin nito. Napabuntong-hininga nalang ako at muling kinuha ang cellphone ko.
"Ayain mo si Vince, kasama niya si Jasmine, 2v2 kamo," saad ko sa kaniya habang hinihintay na mag-load ang ml ko.
"Sigurado ka ba?" hindi makapaniwalang tanong nito sa 'kin. Napatango naman ako at muling kumuha ng cookies. "Pft! Wag mong sabihing nagseselos ka kaya—"
"E, 'di wag nalang," putol ko sa kaniya, ngunit tumawa lang ito at kinuha ang phone ko.
"Ayan na, pumayag 'yung dalawa!" saad niya. Agad kong kinuha ang phone ko at pumili ng hero.
"Ako na mag-Lancelot, liit, mag-Wanwan ka nalang. Maganda rin 'yan o kaya Layla," saad nito kaya pinaubaya ko na sa kaniya si Lancelot. Tatlong beses ko palang nasusubukan si Wanwan, pero ito 'yung paboritong hero ng ex ko.
'Welcome to mobile legends! Five seconds 'til the enemy reaches the battlefield. Smash them. All troops deployed.'
***
Cloud's POV:
"Kaya mo 'yan, Zad, kalahati lang buhay," saad ko rito nang makita ko siyang ina-attack ang hero na gamit ni Jasmine.
'First blood'
"Nice!" nakangising saad ko kaya napatingin ito sa 'kin. Napakunot naman ang noo nang makita ko ang sinabi ni Jasmine.
'I'm sorry, Vince, pabuhat ata ako.'
"Tsk! Gano'n lang, naka-all messages pa," rinig kong bulong ni Zadie na ikinailing ko.
'Okay lang 'yan, igaganti kita'
"Patay ka, liit. Ikaw target ni Chou!" pananakot ko rito nang sundan ito ni Vince sa top. "Push nalang muna 'ko."
"Ah, gano'n? Ipagtatanggol talaga?" saad pa niya nang sugurin siya ng dalawa. Hindi ko mapigilan mapangiti kahit na medyo labag sa kalooban ko 'to.
Wala naman akong magagawa. Makita ko lang na masaya si Zadie, ayos na 'ko.
"Retreat muna, liit!" sambit ko rito habang hinaharangan ang third skill ni Lesley na gamit ni Jasmine.
'Thank you, Cloud! Saviour kita!'
Natatawa naman akong napatingin dito nang makita ko ang message niya. Ngumiti lang ito sa 'kin at muling humarap sa screen ng cellphone niya. Saling pusa lang ata kami ni Jasmine rito. Halata namang nagpapaligsahan ang dalawa at dinadamay pa kami para lang pagselosin ang isa't-isa.
"Huwag munang sundan—"
"Yes!"
'You have slain an enemy!'
"Hindi halatang si Jasmine ang puntirya mo, liit," biro ko rito na siyang ikinailing naman niya. "Kunwari pa."
'Okay lang 'yan, Jas. Magaling ka parin.'
"Tapusin na natin 'to, Cloud, nawawalan na ako ng gana."
I chuckled. "Ikaw nagsabing i-invite sila, tapos ikaw unang tatapos? Nag-eenjoy pa 'ko, Zad."
"Lagot talaga sa 'kin itong Lesley na 'to!" inis na sabi naman niya kaya muli akong natawa.
'You have slain an enemy!'
"Easy ka lang liit, gigil na gigil ka kay Lesley, e!" saad ko rito. Malakas akong tumawa nang mapatay siya ng hero ni Vince.
"Aish! Pinatay talaga ako?!"
"Malamang, kalaban ka niya," sagot ko naman dito habang binabasa ang mga messages nila.
'Thank you sa pagbawi!'
'You're welcome, basta ikaw.'
'You have slain an enemy!'
'Double kill!'
"Ayan, binawi na kita liit," sagot ko rito. Hindi naman niya ako pinansin hanggang sa makita ko ang message nito.
'Ang galing ng ulap ko!'
Magta-type na sana ako nang mabasa ko ang message ni Lesley. Pinigilan ko ang tawa ko nang makita ko ang hitsura ni Zadie.
'Till death do us part ba Vince?'
'Pft! Yeah.'
"Ah, gano'n? Sige ako naman ang papatay sa inyong dalawa," she whispered as she chase Jasmine at the bottom lane, alone.
"Hintayin mo 'yung minions, hindi ka makakapasok sa tore niyan," saad ko habang panay ang tira sa tore nila sa top.
'You destroy the turret!'
"Cloud, bigay mo na sa 'kin 'yang si Chou, pagtulungan natin."
Tinanguan ko lang ito at sabay naming inatake si Vince na si Chou ang gamit. Nang kumonti na ang buhay nito, agad kong pinaubaya kay Zadie. Hayaan natin silang magpatayan.
'You have slain an enemy!'
"Aba, sumugod pa, oh, ayan! Sige, sakit, 'di ba?!"
'Double kill!'
"Tatapusin mo na?" tanong ko nang atakihin nito ang base nila. Bumalik naman ako sa base namin at sumubo ng cookies. Nang dahil sa pinsan ko nagbalik sa pag-mml 'tong si Zadie.
'Victory!'
Lihim akong napangiti nang makita ko ang tuwang-tuwang mukha ni Zadie. 'Yan lang naman ang gusto kong makita kahit pa masakit sa 'kin. I guess... wala naman na akong magagawa, talagang gusto na nila ang isa't-isa.
***
"Hoy, ulap!"
"Oh bakit?" tanong ko habang nag-i-strum ng gitara niya.
"Si Zadie, kausap 'yung si Jasmine, 'yung sikat na nagla-live stream sa facebook ng ml!" sagot nito. Dali-dali kong ibinaba ang gitarang hawak ko at sinundan ito papunta kila Zadie.
'Totoo ba 'yon?'
'Iyon ang sabi ni Jasmine, e!'
'Kawawa naman si Cloud.'
'Akala ko ba sila ni Cloud?'
'Akala ko naman mabait ang bruha, malandi pala!'
"Anong nangyayari rito? Nasaan sila Zadie?" tanong ko nang marinig ko ang mga pinag-uusapan nila.
"Bakit mo pa hinahanap? Hindi ba nga pinagpalit ka ni Zadie sa anak ng may ari ng Toxillo Univ?"
"Oo nga, mas gusto pala ni Zadie na mas mayaman—"
"Mag-iingat kayo sa mga sinasabi niyo. Hindi niyo kilala ang binabangga niyo," putol sa kanila ni Levi kaya agad silang natahimik.
"Tama siya," pagsang-ayon ko at sinenyasan si Levi na hanapin pa namin si Zadie. Baka kung ano nang ginagawa ng dalawang 'yon.
"Alam kong nasabi na sa amin ni Zadie 'yung tungkol doon bro, pero ayos ka lang ba? Pinsan mo 'yung gusto ni Zad," saad ni Levi. Napahinto naman ako sa pagtakbo at mapait na napangiti.
"Ayos lang bro, sa atin namang mga nagmamahal, masaya na tayo na makitang masaya 'yung mahal natin. Ayoko namang ipagdamot si Zad, in the first place, hindi naman talaga kami," sagot ko habang tumitingin-tingin sa paligid. Nasaan na kaya 'yung liit na 'yon?
"Masaya nga siya, hindi naman sa piling mo."
Tinapik ko ito sa balikat niya. "Masaya rin naman si liit kasama ko, hindi nga lang katulad kapag kasama niya 'yung pinsan ko, pero masaya na ako roon, bro. Hindi nagbago ng pakikitungo sa 'kin si Zadie sa kabila ng lahat."
"Sila na ata 'yon ulap, tara!" turo nito kaya agad kaming napatakbo at nakipagsiksikan sa mga estudyanteng nagkakagulo.
"Pabida ka kasi!" sigaw ni Jasmine. Agad kong pinigilan si Zadie nang balak niyang sugudin ito. "Oh, nandito na pala si Cloud."
'Ikaw kaya 'yung pabida!'
'Cloud, ipagtanggol mo si Zadie!'
'Ang lakas ng loob, hindi naman marunong mag-ml!'
"Huwag mo nang patulan Zad," bulong ko rito.
"Hindi naman talaga ako papatol, Cloud. Nandyan na sila, kaya na nila 'yan," bulong din sa 'kin nito habang nakatingin sa mga kapwa-estudyante naming ipinagtatanggol siya.
"Jasmine, ano bang problema niyo? Zad?" tanong naman ni Levi sa dalawa.
"E, pabida kasi 'yang kaibigan niyo, e! Lagi nalang ako 'yung sinusugod!" sagot nito kaya hindi maiwasang mapailing.
'Hindi ka kasi sanay!'
'Talo ka lang kasi ni Zadie!'
'Bobo ka kasi maglaro!'
'May pa-live stream live stream pa hindi naman sanay!'
"Arghh! Mga bwisit!" inis nitong sigaw at naglakad palayo kasama ng mga kaibigan nito.
Agad ko namang hinila si Zadie pabalik sa cafeteria nang harangin kami ng mga nagtanggol sa kaniya.
'Zadie, hindi naman totoo 'yung sinabi niya, 'di ba?'
'Oo nga, Zadie, hindi mo naman ipagpapalit si Cloud, 'di ba?"
"Naniniwala kami sa inyo ni Cloud, Zadie!'
Nagkatinginan naman kaming tatlo sa mga tanong nila. Gusto ko mang linawin sa kanila 'yung relasyon namin ni Zadie, natatakot ako na baka sa kaniya naman magalit ang mga humahanga samin. Pero alam ko darating ang panahon na malalaman ding nilang lahat ang totoo.
"Makinig kayo," saad ko kaya agad akong hinawakan ni Zadie. Ningitian ko naman ito at muling humarap sa mga estudyanteng nakapaligid samin. Ako ang nagpasok kay Zadie sa ganitong sitwasyon. Alam kong hindi niya ito ginusto dahil ayaw niya ng ganito at ang gusto lang niya ay mamuhay ng simple. "Ang totoo niyan, wala kaming relasyon ni Zadie. Sinabi ko naman sa inyo noong pageant. Nag-reply na rin ako sa mga tweets niyo, pasensya na kayo kung nabigo namin kayo. I hope irespeto niyo 'yung mga desisyon namin. May mga bagay talaga na kahit anong pilit natin kung hindi naman itinadhana ay wala talaga. Siguro gano'n 'yung sa amin ni Zadie."
"I'm sorry, guys, sorry kung binigo namin kayo. Sana maintindihan niyo, kung magagalit man kayo, sa 'kin nalang, labas dito si Cloud," sambit ni Zadie kaya agad akong napatingin dito.
'Okay lang 'yon!'
'Oo nga, support parin namin kayo!'
'Walang magbabago!'
"Maraming Salamat sa mga fans nila pero excuse us lang mga mare, mga pare, kailangan na naming umalis!" saad ni Levi kaya agad kaming nagtungo sa cafeteria.
"Bakit kasi hindi mo nalang iniwasan?" tanong ko rito na siya namang sinagot ni Levi.
"Kilala mo naman si Zad, bro. Mas matapang pa 'to sa atin, e!"
"Pero sana iniwasan mo nalang. Hindi na sana nagkagulo," saad ko pa.
"Wala naman kasing kakwenta-kwenta 'yung dahilan ni Jasmine, e! Nagpakalat lang talaga ng issue para masira kayong dalawa."
"Nasaktan ka ba?" tanong ko pa rito ngunit nanatili lang siyang walang kibo.
"Ayos lang siya, bro, hindi naman siya masasaktan ni—"
"Alam ko Levi, pero sana aware ka na si Zadie ang kausap ko," putol ko rito at natatawang napailing. "Attorney ka ba niya?"
"Ayaw magsalita ni Zad, e. Ako nalang!" sagot naman niya.
"Hindi ko naman siya sinaktan, saka siya 'yung unang sumugod 'no!" saad naman ni Zadie. Wala naman na akong nagawa kun 'di mapabuntong-hininga. Kailan ba ako masasanay kay Zadie? Kahit naman noong mga bata kami, siya ang tagapagtanggol ko.
"Pero guys, alam kong alam niyo na may magagalit sa mga nalaman nila. Handa ba kayo roon?" tanong samin ni Levi. Nagkatinginan naman kami ni Zadie.
"Ganiyan din naman sa kabilang school. Ayos lang sa 'kin basta hindi masisira si Cloud. Ako naman 'yung may issue rito, nadamay lang si Cloud," sagot ni Zadie kaya agad akong kumontra.
"Kasasabi ko lang, I am the one who pushed you here. Nang dahil sa 'kin nakilala ka sa campus na alam kong ayaw mo, sabay nating haharapin, tayong tatlo nila Vince... kung ano mang sasabihin nila."
"Kasalanan ko talaga, ako 'yung nag-upload ng mga videos at pictures niyo. Hindi lang tuloy ikaw ang hinangaan nila, nadamay pa si Zadie," saad naman ni Levi na ikinabuntong-hininga ko.
"Huwag kayong ganiyanahi Kt naman hindi ako nakilala, makikilala at makikilala parin ako dahil kay Vince at sa pageant."
"Basta Zad, Cloud, kung kailangan niyo ng tulong namin, nandito kami. Saka wag nalang kayong masyadong paapekto sa sinasabi nila sa social media," payo naman sa 'min ni Levi kaya muli kong tinapik ang balikat nito at napatingin kay Zadie.
No matter what happens, hindi ko pababayaan ang babaeng 'to. Handa akong ipagtanggol siya kung sakali mang malagay kami sa sitwasyong kinukwestyon ang tungkol sa amin at kay Vince.
Sigurado akong magiging malaking gulo 'to dahil kilala rin si Vince at magpinsan pa kami. Alam ko namang ipagtatanggol din niya si Zadie, pero habang nasa tabi ko siya, ako munang bahala sa kaniya.
I'm always at her back when she were having a hard time...
***
Lie Again
by: thesweetest_thing