Bleu's POV:
Tatlo lang 'yong subject ko ngayong araw, kaya medyo masaya ako kasi stress free, ang dami kasing gawain kahit kasisimula lang ng semester, might be because I'm graduating.
Buti nalang talaga hindi ako nabuntis no'ng 1st semester kung saan OJT namin kasi kawawa naman si baby ko na andito sa tummy ko ngayon, baka ma stress rin katulad ko. 'Yong kasama ko talaga mag-inuman no'ng gabing 'yon sa club ay 'yong mga nakasama ko sa OJT.
"Ano ba 'yan, ba't ang layo naman nito? Ang init-init ng panahon, ayokong mag-jeep!", reklamo ko nang matanggap ko na 'yong mensahe galing kay Ampalaya kung saan kami magkikita at eme-meet 'fiancee' niya, kadiri.
"Hoy, besh! Sa'n ka? Kanina ka pa namin hinahanap! Arcade daw tayo, sama ka?", sigaw ni Sam nang magkita kami sa labas ng University.
Hindi niya kasama si Eric at Tricia, mukhang nauna na ata sa Arcade.
"Kailangan kasi ako sa bahay, sa susunod nalang! Promise! "
Napasimangot si Samantha.
"Sige, gets ko naman, next time ah?"
"Oo nga, promise."
Nginitian ako ni Sam tapos pumara na siya ng jeep saka sumakay.
Takot kasi sila 'yan sa mga magulang ko kaya 'pag rason ko kailangan ako sa bahay,  walang kibo ang mga 'yan at hahayaan lang ako.
Sinusundan ko ng tingin 'yong mga jeep na dumadaan, nagdadalawang isip ako kung sasakay ba ako o hindi, kasi ang init tapos siksikan T_T hindi naman sa maarte ako pero ewan ko ba, hindi ko alam if dahil 'to sa pagbubuntis ko pero ang dami kong reklamo mostly sa lahat ng bagay.
Nakita kong may palapit na taxi, pinara ko 'yon. Bahala na, si Ampalaya magbabayad ng taxi fare.
Ang alam ko lang sa loob ng isang coffee shop kami magkikita, binigay ko sa taxi driver 'yong address. Menessage ko si Ampalaya na antayin niya ako sa labas kasi baka kunwari mawala ako, kaya ko lang talaga gusto antayin niya ako sa labas eh para siya magbayad ng taxi hahahaha
Tama bang nag taxi ako? Hindi ko type ang amoy dito, nakakahilo.
Buong biyahe, parang tanga akong nagdadasal na sana makarating na kami kasi nga nakakahilo 'yong amoy ng taxi, nasusuka ako!
Nang mapansin kong malapit na kami sa, Espresso Express— 'yong coffee shop kung saan magkikita kami ni Ampalaya, ay napatingin ako agad sa labas, nakita ko siya sa may gilid at nakatayong nag-aantay, masunurin naman pala hahahah kahit na sirang-sira 'yong mukha niya habang nakatingin sa relo niya.
'Yong mga babaeng dumadaan, napapatingin sa kanya tapos siya walang pake, kasi mukhang kasing init na ng panahon 'yong ulo niya kakaantay sa akin.
"Kuya, doon ka huminto sa harap no'ng lalaki.", sabi ko sa driver.
"Yan po bang pogi na naka polo na itim?", tanong ng driver.
Pogi? Pwe!
"Opo kuya, 'yong lalaking naka polo na itim without the word pogi.", sabi ko at napairap ng patago.
Hindi si Kuya driver iniirapan ko ha? Just the thought na pati si Kuya driver napopogian sa kanya ay mapapairap ako sa inis, kasi truth hurts!
Hininto ni Kuya driver 'yong taxi sa mismong harap ni Ampalaya kaya napaatras siya, natawa ako sa mukha niya eh, akala niya sasagasaan siya hahahahha
"Kuya, teka lang ah? Siya magbabayad.", sabi ko sa kanya sabay turo kay Ampalaya, ngumiti naman si Kuya.
Bumaba ako sa kotse at grabe ang Ampalaya na 'to kung makatingin! Parang jinu-judge buong pagkatao ko!
Nilahad ko 'yong palad ng kanang kamay ko sa harap niya, at nagtataka siyang napatingin doon.
"Namamalimos ka ba?", taas kilay niyang tanong, sarap putulan ng dila.
"Bigyan mo ako ng pera, magbabayad ako sa taxi driver."
Binigyan niya ako ng matagal na tingin bago niya abutin 'yong pitaka niya sa likurang bulsa ng pantalon niya;
"Magkano?", tanong niya.
"500."
Nanlaki mga mata niya.
"Anong 500? Ba't ang mahal? The school isn't that far from here, wait, let me talk to the driver."
Akmang lalapitan niya 'yong driver's seat nang hilahin ko siya, parang sumusugod lang ng away eh...
"May sukli pa 'yan! Ang hawt mo masyado, may sukli pa!"
"Ba't kasi 'di mo sinabi ang exact amount?"
Ang kuripot naman! Balak ko kasi iuwi ang sukli hahahahha
"Akin na! Bilisan mo! Nag-aantay si kuya eh!"
Kulang nalang kunin ko sa kanya pitaka niya eh, kaya napakuha siya ng limang daan agad at binigay sa akin.
Binayaran ko si Kuya Driver tapos binulsa 'yong sukli hahaha kurakot 'to hahaha
"Nakita kong binulsa mo sukli ko."
He looks so done with me by the way hahahaha
"Ano ngayon?"
He hissed at tinalikuran ako,
"I can't really argue with a kid, tsk.", mahina niyang sabi pero rinig ma rinig ko kasi nakasunod lang ako sa likuran niya.
Argue with a kid? Tinawag na akong bata, kung umasta parang hindi niya nabuntis sa kama, l*nghiya! Give chance kasi hindi niya rin naman alam na nabuntis niya ko, galing eh, walang mintis.
Nang makapasok kami doon sa coffee shop ay naupo siya agad sa table kung saan malapit lang sa entrance, gusto ko talaga sa tapat niya umupo pero hinila niya ako kaya napaupo ako sa tabi niya, he said that doon raw mauupo 'yong ex-fiancee niya na parating na.
"Di ko alam kung anong gusto mo, so I ordered the most decent one.", sabi niya sabay inalok sa akin 'yong parang milkshake na katabi no'ng kape na inorder niya.
Ang init ng panahon, nagkakape!
Tinikman ko 'yong inorder niya para sa akin at okay lang naman ang taste, atat na atat ba 'to at nag order kahit wala pa ako?
I took a sip again at napatingin sa entrance nang tumunog ito, ibig sabihin may pumasok o lumabas...
May biglang pumasok na babae na naka-shades, tinanggal niya 'yong shades niya at napalibot ng tingin sa paligid, huminto siya ng tingin sa table namin...
"That's her.", mahinang sabi ni Ampalaya, napatingin ako sa kanya at nakatingin siya sa babaeng 'yon.
Binalik ko 'yong tingin ko sa babaeng kakapasok lang at naluwa ko ata iniinom kung shake...
Bus*t, ang ganda! Mukhang artista!
—
Naupo sa harap namin 'y*ng babaeng mukhang artista, 'y*ng aura ng babaeng 'to napaka intimidating sa puntong napaupo ako ng tuwid.
Napanakaw ako nga tingin kay Ampalaya at parang may kinang sa mga mata niya habang nakatingin sa babaeng kaharap namin.
Hindi na ako magtataka pa at nakabingwit ng ganito kaganda na fiancee 'tong si Ampa kasi ka-level niya lang te, ako lang ata nakakapangit sa view ng mapapatingin sa amin! Di na rin ako magtataka why he wants this lady back so desperately, cuz I mean look at her, hindi ko rin iiwan fiancee ko kung lalaki lang ako tapos ganyan rin kaganda.
Agad ako nag-iwas ng tingin nang tumingin sa akin 'yong babae, nakakatomboy siya men, pati ako nahihiya.
Bumalik lang 'yong tingin ko sa kanya nang ilihis niya tingin niya kay Ampa, simula ngayon Ampa na tawag ko sa kanya kasi sobrang haba ng Ampalaya putek.
"So? Anong gusto mong pag-usapan?", tanong nung chix— I mean babae.
"Do you recognize her?", sagot ni Ampa sa kanya pertaining to me, napatingin siya sa akin ulit.
Umayos ka, Bleu! Baka nakalimutan mo kung bakit nasa iisang table ka nila ngayon? Tutulungan mo dapat si Ampa na magkabalikan sila ng babaeng 'yan, si Ampa na without letter P ay Ama ng ipinagbubuntis mo.
"Ako 'yong babaeng kasama ni Zane sa picture na 'yon."
Nagsalita na ako, mas tatagal lang ang usapan na 'to kapag walang maglalakas ng loob na maging straightforward.
Nagbago 'yong Timpla ng mukha no'ng babae habang nakatingin sa akin,
"Ano 'to? At talagang ipapakilala mo pa sa akin ang babae mo?", sabi niya kay Ampa.
Babae mo? Ginawa na akong kabet, hayop na 'yan.
"Claire, I've been looking for her para rin maliwanagan sa nangyari, someone is trying to ruin us at nagtagumpay siya no'ng hiwalayan mo ako. I was drugged ng gabing 'y9n... ", panimulang eksplenasyon ni Ampa
"You should believe him, we were both drunk and he got drugged, nagkataon na lumapit ako sa kanya no'n kasi I was dared by some friends to get his number. Wala akong balak na sirain kayo, we were both out of control, I know lahat ng sasabihin namin would only sound as an excuse pero 'yon ang totoo.", pag tulong ko kay Ampa.
Nag palipat-lipat ng tingin sa amin ni Ampa ang ex-fiancee niya, what's with her reaction?
"Let's say na totoo ang pinagsasabi niyo pero Zane, wala ng magbabago... "
Anong ibig niyang sabihin?
"What do you mean?", Ampa.
"I'm dating someone else now."
Napatakip ako sa bibig ko dahil sa narinig ko, tinignan ko si Ampa habang takip-takip 'yong bibig ko para makita ang reaksyon niya, oh my god, bakit andito ako? Anong telenobela 'to jusko!
"Claire, it wasn't even one month yet simula no'ng naghiwalay tayo... "
L*ngya, naaawa tuloy ako kay Ampa, ganyan na nga ka-gwapo, pinagpalit pa.
Iba rin ang babaeng 'to, bilis naman nakahanap ng ipapalit!?
Binabawi ko na 'yong sinabi ko kanina, kung ganyan kaganda pero ang pangit ng ugali? No thanks.
"I know and I'm sorry, Zane. Wala na akong pake kung totoo ang pinagsasabi niyo o hindi, I'm really happy now. If there's nothing else, aalis na ako."
Tumayo 'yong ex-fiancee niya kasi aalis na ata nang biglang abutin ni Ampa 'yong braso niya kaya napahinto ito,
"Pa'no mo nagawa sa akin 'to? Minahal mo ba talaga ako?"
L*tseng linyahan 'yan, anong movie 'to?
"I did, I just moved on.", sagot nito kay Ampa.
Biglang natawa si Ampa ng mahina, nabaliw na ata.
"Ng ganun kabilis?", 'di makapaniwalang tanong ni Ampa, nagmumukha akong referee dito, mga w*langhiya 'to!
Tinanggal no'ng babae 'yong pagkakahawak ni Ampa sa braso niya,
"Oo, gano'n kabilis."
Napatingin ako kay Ampa at 'yong kinang sa mga mata niya ay naglaho na, napalitan ito ng bahid ng sakit;
Wala naman akong kasalanan pero ako 'yong nagi-guilty!
"Teka."
Bw*set na bibig 'yan! Sino may sabing pwede kang magsalita?
Napalingon siya sa amin ulit, napatayo ako.
"You just lost a gem. Sana wala kang pagsisihan sa huli.", sabi ko sa kanya at ngumisi siya, parang kanina lang gandang-ganda ako sa kanya, ngayon parang gusto kong gawing mop mukha niya sa sahig eh!
"Wala akong pagsisisihan, lalo na kung isang katulad mo lang ipapalit niya sa akin."
"Woahahhahahaha", reaksyon no'ng mga nakarinig.
Mga l*nghiyang 'to! Ano akala nila? Fliptop battle?
"Atleast I'm a decent one, you can say that again 'pag 'di na kasing kapal ng mukha mo 'yang make up mo."
"Woahahahahaa", reaksyon ulit no'ng mga chismoso't-chismosa.
"Buti nga naghiwalay kayo, 'wag na 'wag kang maging asong ulol na maghahabol kay Ampa sa oras na ma-realize mo ang binitawan mo."
Kunot noo na napatingin sa akin si Zane,
"Ampa? Sinong Ampa?", nalilito niyang tanong, kung pwede lang ma typo 'yong bibig 'yon ang irarason ko sa kanya.
"Basta.", sagot ko sa kanya.
"And how can you be so sure na maghahabol ako sa kanya?", confident nitong tanong.
"Nalihis ka kasi sa tamang daan sa tingin ko, katulad ng ilong mo na tabingi, sayang 'yong pera na binayad mo diyan."
Kinuha ko 'yong kamay ni Ampa saka hinila siya patayo, nalilito pa ata siya sa nangyayari kasi nagpahila lang rin. Professor niyo, lutang!
Hinila ko palapit ng entrance si Ampa tapos huminto saglit sa harap ng babaeng 'yon, gandang-ganda talaga ako sa kanya eh na hindi ko na pinansin mga pinagawa niya sa katawan at sa mukha kasi dapat girl power pero kung ganito ugali? No thanks ulit.
"Ikaw 'yong nang-iwan, ereremind ko lang na wala ka ng babalikan. Tabi!", huli kong sabi sa kanya at sadya siyang binangga.
Hinila ko na palabas sa coffee shop na 'yon si Ampa, kasi kawawa naman ang lalaking 'to, ano ba nagustohan nito sa babaeng 'yon? Ambaho ng ugali!
Habang hinihila ko siya ay bigla niyang inalis 'yong pagkakahawak ko sa kamay niya kaya napahinto ako sa paglalakad at napalingon sa kanya.
"Bakit mo 'yon ginawa?", may halong inis niyang tanong.
"Anong bakit? 'Di ba obvious, she's literally playing with your feelings!"
"Anong pake mo? You just made the situation worse! Kaya ko pang ayusin 'yon!", galit na siya.
Talagang sa akin pa siya nagagalit?
"Naririnig mo ba sarili mo? You're proving the saying na kahit gaano katalino ng tao, nagiging bobo sa pag-ibig. Anong maaayos mo pa? She said she's dating someone else! Pinamukha niya sayo na kahit ginusto mo man 'yong nangyari sa atin o hindi ay wala siyang pake! Ano pang aayusin mo do'n?"
"That still doesn't give you any right na ipahiya siya sa maraming tao at makisawsaw sa problema na hindi ka naman kasali!", tumaas 'yong boses niya kaya medyo napaatras ako sa gulat.
"Pinahiya niya rin ako! Kasali na ako sa problema simula no'ng napagdesisyonan mong isama ako dito! Sorry ah? Ikaw na nga 'yong tinulungan ko, ikaw pa 'tong galit!"
"Humingi ba ako ng tulong!?"
Mahigpit akong napahawak sa shoulder bag ko,  pero hindi ko na napigilan 'yong sarili ko, hinampas ko sa bandang dibdib niya 'yong shoulder bag ko;
"Pasensya na! Naging kasalanan ko pa. I was so stupid na isipin na kailangan mo tulong ko, na naisip kong hindi mo deserve na mapahiya ng gano'n kaya pinahiya ko nalang sarili ko! Sorry talaga! W*langhiya ka!", hinampas ko ulit 'yong bag ko sa bandang dibdib niya saka nag walk out kasi sa oras na mag tagal pa ako doon ay tutulo na talaga luha ko.
Ayoko na ring makipag sigawan sa kanya kasi mababasag na 'yong boses ko.
Bakit ako umiiyak? I am just so frustrated, ginagago na siya ng babaeng 'yon and all tapos ipinagtatanggol niya pa rin? What the fck, diba?
Hindi ako papasok sa klase niya bukas, bahala na kung anong gagawin niya. I am never seeing him again!
——
Parang tangang payuko-yuko ako sa upuan ko nang makitang papasok na siya sa classroom.
Sabi ko no'ng isang araw 'di ako papasok sa klase niya pero l*tse takot ko lang hindi maka graduate, baka totohanin ako ng Ampa na 'yan at hindi ipasa sa subject niya.
Saktong pagsilip ko sa harap ay nakapasok na siya tapos nakatingin rin pala siya sa banda ko kaya nagkatinginan mga mata namin, agad akong napaayos ng upo at umiwas ng tingin.
Ayoko naman ipagpatuloy 'yong payuko-yuko ko noh! Lalo na't nasa harapan na siya.
Rinig na rinig ko 'yung malakas niyang pag tikhim kasi 'pag nasa loob na kasi siya sa classroom tumatahimik lahat.
Nasa ibang direksyon nakaharap mukha ko pero 'yong mga mata ko nakatingin sa harap.
"Good morning.", parang hindi niyang sincere na bati sa amin kasi napakalamig ng boses niya katulad ng panlabas niyang anyo, good morning raw... Anong good sa umaga?
Diba by schedule 'yong subjects ko? 'Yung subject niya is MTF sa schedule ko, ibig sabihin, Monday, Tuesday at Friday ay umagang-umaga siya makikita ko!
"I told everyone last meeting that I'll be having a quiz today regarding the last discussion... "
Nanlaki mga mata ko, say whuuuttt? Quiz!? Hala! Nakalimutan ko dae! Ano ba diniscuss niya last time jusko!
May itinaas siyang test paper sa ere na sa tingin ko two pages?
"... There's not a single question sa test paper na 'to na hindi ko na-discuss last time so like I said, I'm expecting everyone to get a high score or else I'll assumed na hindi kayo nakinig sa  discussion ko last meeting and came to attend this class without studying."
Sh*ta, kulang nalang manginig 'yong mga kaklase ko sa sobrang seryoso niya, isa na ako doon. I freakin' forgot na magkwe-quiz siya ngayon.
"Ang hawt ni fafa Zane kaya lang sa sobrang hawt niya masusunog ata tayo nito.", rinig kong bulong ni Ericka kay Samantha na katabi niya.
"I'll give you all 30 minutes to answer."
Pinili ko ng mabuti 'yong schedules ko para maiwasan ko 'y9ng mga terror na professors, 'di ko naman expect na mapapalitan si Prof Rodriguez ng demonyong 'to.
"Before we start, I wanna remind everyone that I hate cheating and dishonesty the most. Despite wearing glasses, my eyesight is pretty good enough to easily tell who's cheating or not. Now... Spread, one seat apart. "
Napanganga ako. Seryoso ba siya? Why so strict men!? Ano 'to? Midterm exam? Kung ganyan siya ka strikto sa quiz lang pa'no na 'pag midterm exam? Bwiset 'to.
Bigla siyang napatingin sa gawi ko, nahuli niya akong nakatingin sa kanya 'di na ako umiwas ng tingin kasi huli na eh. Binigyan ko siya ng tingin na parang sinasabi ko na,  "oh? Tingin-tingin mo diyan?"
"Any problems with my rules, Ms.Williamson?"
Ay put*. Napatingin sa akin ang lahat, wal*nghiya talagang ampa 'to! Tumingin lang ako sa kanya may problema na?
Sasagot na sana ako nang may umepal.
"You should start the quiz na Prof Arden, don't mind students na pumapasok lang for fun."
Ano raw? Nakangiwi akong napatingin doon sa nagsalita, Ella!? Luh? Ba't 'di ko napansin 'to no'ng mga nakaraang araw? Laki ng inggit sakin ng babaeng 'yan, kahit wala akong ginagawa galit na galit sa akin eh.
Inirapan ko siya ng napatingin siya sa akin.
Iirapan rin ako no'n, inunahan ko lang.
"Let's start the quiz. Get one and pass."
Napakamot ako sa ulo ko, kahit wala akong kuto parang magkakaroon ako sa stress nito.
Hindi ko alam kung may tinatago ba akong talino o nagkataon lang na alam ko 'yong mga questions sa quiz kasi hindi ako nahirapan sagutan lahat kahit hindi naman ako nakinig sa discussion niya last time kasi lutang ako.
After 30 minutes mismo ay pinatigil niya na kami sa pag sagot, as in saktong 30 minutes, walang mintis. Lakas ng tama ng lalaking 'to.
May pagka perfectionist pero 'di makita 'yong mali niya dahil tanga sa pag-ibig. Pinagtabuyan na ng ex-fiancee tapos sasabihan akong maaayos niya pa raw. Edi wow!
Oh diba? Galit pa rin ako dahil doon. Sigawan ba naman ako? Talino sana, ang bobo naman umibig.
"Sabi ko, pass your papers."
"Ay bobo!", sa sobrang gulat ko ay nasabi ko 'yong nasa isip ko, 'di ko namalayan nasa tabi na pala siya ng inuupuan ko.
Napatingin ako sa paligid at naka-pass na 'yong mga test papers nila, 'yong akin nalang hindi. Nahinto ang tingin ko kay Ella, at pinagtatawanan ako ng bruha, mabilaukan ka sana ghurl.
Talagang nilapitan pa ako sa upuan ko eh. Inabot ko sa kanya answer sheet ko which is yong test paper kasi doon niya kami pinasagot na walang bayad, in fairness hindi kurakot, 'di katulad ng iba diyan.
"Be attentive to class next time.", sabi niya bago kunin 'yong test paper ko.
Hindi ko sinagot at patagong umirap.
"I'll let you guys go early since may gagawin pa ako. I'll check your answers tonight. Class dismissed."
Umingay 'yong mga kaklase ko, saya-saya nila sa early dismissal eh noh?
"Di naman halatang peborit ka ni fafa Zane ano?", sabi ni Ericka sa akin nang lapitan nila akong tatlo ni Tricia at Samantha.
"Favorite ka diyan, kanina pa ako pinapahiya sa klase.", sagot ko sa kanya na may halong pagdadabog habang nilalagay sa bag ko 'yong mga gamit ko.
"Gusto ko ipahiya niya rin ako sa klase, pansinin niya rin ako, 'di lang ikaw.", malandi na sabi ni Ericka kaya natawa ako.
Napatingin ako kay Ella,
"Prof Arden, can I talk to you? May concern kasi ako regarding sa last discussion mo.", sabi nito kay Ampa.
"Sure, what is it?"
Hindi ko na narinig sumunod na pag-uusap nila kasi lumabas na sa classroom si Ampa at sumunod si Ella sakanya.
"Ibang species talaga 'tong si Ella, walang pa Intro-intro, galaw deretso hahahha.", tumatawang sabi ni Sam kaya napatingin ako sa kanya.
"Kaklase pala natin 'yan sa subject na 'to? Ba't 'di ko napansin last time?", nagtataka kong tanong kay Sam.
"Di mo ba alam? Nag switch siya ng schedule ng malaman na gwapo ang pumalit kay Mrs. Rodriguez. Pagod na siya kakahabol kay Prof Clarence kasi 'di siya pinapansin kaya nag iba ng target which is si Prof Arden, mas type niya raw kesa kay Prof Clarence.", explanation ni Sam sa akin.
Kakaiba talaga ang bruhang 'to. Ang hilig sa mga Professors, may bad reputation na 'yan si Ella, maganda siya kaya she makes use of it para manggamit ng tao, mostly lalaki.
Chismis nila 'pag lalaki ang subject teacher ay nilalandi niya kaya ang taas ng grades. Jinowa niya na raw ata karamihan sa mga lalaking Professors dito sa University namin maliban doon sa mga hindi nagpadala, isa na doon si Prof Clarence na Chemistry namin noong 3rd Year, sikat kasi 'yon kasi gwapo, hindi tinigilan ni Ella sundan 'yon noon eh.
"Oo nga pala, magkaiba tayo ng schedules sa next subject.", pag-iiba ni Tricia sa usapan.
Sa totoo lang, sa subject lang ni Ampa kami magkaklase apat, nilalayuan ko talaga sila hindi dahil ayoko sa kanila, it's about my parents... Strikto talaga 'yong parents ko, my Father to be specific, nagka bad impression siya sa mga kaibigan ko last year kaya ang sasama ng pinagsasabi niya about kina Ericka, Tricia at Sam.
Ganito kasi 'yan, last year he found out about me going to the club for the first time kahit matagal ko na talagang ginagawa ng patago, kasama ko noon si Tricia, Sam at Ericka at sa kanila niya sinisi kung bakit natuto kuno ako mag-club, my Father doesn't really know me well, I've been hiding my true self sa pamilya ko kasi ang laki ng expectations nila sa akin.
Kaya sinadya kong isang subject lang kaming apat magkakasama kasi para wala ng masabi si Dad sa kanila, lahat kasi ng bad news tungkol sa akin kina Sam niya sinisisi. Walang siyang ibang pinagkakatiwalaan kundi si Dave lang, kung alam niya lang na maluwag rin turnilyo no'n.
Nagpaalam na ako sa kanilang tatlo. Kasi antay nalang daw sila sa classroom ng next subject nila, may 20 minutes pa kaming free time kasi 1 hr 'yong klase ni Ampa, tapos enend niya ang class ng 30 minutes early.
Hindi ko tuloy alam sa'n ako tatambay nito, wala naman akong ibang kaibigan. Nilalayuan ko 'yong cafeteria kasi ang lakas ko na kumain. Noon sa library ako tumatambay kaya lang may masamang espiritu ng naninirahan doon, nakakasira ng araw.
Biglang nag-vibrate ang cellphone ko, tinignan ko ang nag text.
"Check the test papers, get it in my table together with the answer key and give it back next week."
Teka? Unknown number pero base sa text at sa previous convo namin, si Ampa 'to.
Ginagawa na akong utusan ngayon?
Nag-reply ako.
"Ba't ako? May asong sumusunod sa'yo kanina, ba't 'di 'yon utusan mo?"
Habang tina-type ko 'yan, diin na diin 'yung mga daliri ko sa screen ng cellphone ko. Nanggigigil ako eh.
Nakatanggap agad ako ng reply galing sa kanya.
"Watch what you say. Again, give it back next week. Don't even try to change your answer or cheat because K'll know.", reply niya.
Kulang nalang mapatawa ako kasi ang kapal ng mukha men! Kung makapag-text sa akin parang walang kasalanan. Gano'n nalang 'yon? Sinigawan niya ako sa ginawa ko when it's a good intention? Tapos kikilos lang siya na parang wala? Manigas ka, asa kang gagawin ko utos mo.
Hindi ko na siya ni-replayan, bahala siya sa buhay niya, may pride pa akong natitira.
'*After 10 minutes*
'Yong pride ko naging Ariel.
Nasa opisina niya ako ngayon at kinukuha 'yong test papers at answer key.
Hindi ko siya nireplayan kanina pero biglang nag-text ulit, ang sabi;
"I won't abuse my power as a Professor, kung ayaw mo gawin inuutos ko, it's okay. But i'll have to deduct points on your quiz for not respecting me as your subject teacher. Minus 50.", iyan 'yong text niya, 'pag kabasa ko niyan mas mabilis pa kay flash akong napapunta dito sa opisina niya, nakalimutan kong buntis ako.
Ginawa akong secretary ng lalaking 'to! Minus 50 raw ako sa quiz eh 50 over 50 'yong quiz niya, ano matitira sa akin?
Gusto ko matulad sa iba na nagrerebelde kaya lang takot ako kay Dad kaya 'di ko magawa.
Pagkuha ko no'ng test papers at answer key, nasa loob na ito ng folder, mukhang hinanda niya na bago pa ako makapunta dito. Wala siya sa opisina ngayon, ewan ko kung asan. Hala... 'Di kaya nabingwit na ni Ella 'yon? Hindi naman siguro diba? Patay na patay 'yon sa ex-fiancee niya.
Pagkatapos ko sa pinapagawa niya ay lumabas na ako ng opisina niya saka dumeretso na sa susunod kong klase. Magpapahinga nalang ako sa classroom ng next subject ko kasi napagod ako kakatakbo kanina, pang huli ko ng takbo 'yon, kawawa naman baby ko.
——