Gia,
"Maraming Salamat sa inyo!"
Agad kong kinuha ang cellphone ko sa bag nang makalabas ng school. Si Ate Ally tumatawag. "Hello Ate—"
"Sissy, nasaan ka na? Tapos na ba ang exam mo? Sobrang daming customers dito sa cafe! Nakakaloka, bakla!"
Natawa naman ako at nagmamadaling pumara ng tricycle. Sigurado akong stress na stress na sila roon sa coffee shop.
"Papunta na ho, Ate!" sagot ko pa bago patayin ang tawag.
Oo, nagtatrabaho pa ako. Ang mga ate ko ang tumulong sa amin ng mama ko para mapunan namin ang pangangailangan sa araw-araw. At kung makakapasok man ako sa Averil, kailangan ko munang huminto sa pagtatrabaho para makapag-focus sa pag-aaral. Ayoko namang sayangin ang chance na ibibigay sa 'kin ng school.
"Sissy! Naku, halika na dalian mo sobrang daming tao!" salubong sa 'kin ni Ate Ally.
"Ano bang meron Ate? Wala namang event ang cafe natin ngayon, ah?" nagtatakang tanong ko. Sobrang dami ngang tao, may mga camera rin sa labas ng cafe.
"Nagpunta lang naman dito ang mga prinsipe! Oh my ghad, sissy, ang ga-gwapo!" patiling sagot ni Ate, medyo kinikilig pa. Napailing naman ako sa kaniya bago pumasok sa backdoor.
"Oh, Gia, nandito ka na pala. Magbihis kana at marami tayong customers ngayon!" bungad sa 'kin ni Mamshie Belle, ang manager ng cafe.
"O-Opo! Excuse lang po," sambit ko saka nagtungo ng restroom.
Nandito raw ang mga prinsipe, Gia. Ayusin mo ang sarili mo at h'wag kang papaapekto sa kagwapuhan nila, focus ka lang sa trabaho mo.
"Kaya mo 'to, Gia!" pag-chi-cheer up ko sa sarili ko. Ngayon lang ako nakaramdam ng ganitong kaba.
I heaved a long sigh before walking out of the room. Isinara ko ang pinto ng staff room at pilit ang ngiting nagpunta sa counter.
Sino ba naman kasi ang hindi kakabahan? Ang mga prinsipe ng Ethiopia Royal Kingdom ang pagseserbisyuhan namin. Ang hinahangaan ng lahat. Halos lahat ay nagkakandara pa sa kanila. Halos perfect na ang pagkakagawa, kaya mula ulo hanggang sa dulo ng daliri nila paa, crush sila ng mga babae.
"Gia, isunod mo ito kay Ally. Table 3." Agad kong kinuha ang tray at sinundan si Ate Ally. Habang papalapit ay mas lalo akong sinasalakay ng kaba.
"G-Good day, Princes! T-This your order!" Napangiwi ako nang palihim akong sikuhin ni Ate Ally. Siguro ay nagulat siya sa inasta ko.
"A-Ah... enjoy your order!" dagdag ni Ate saka ako mabilis na hinila papuntang counter.
"Okay ka lang ba sissy? Mas kabado ka pa sa 'kin, ah!" tanong niya habang nakataas pa ang kilay. Ngumiti naman ako at tumango bago muling kinuha ang isa pang tray.
"Saan 'to mamsh?" tanong ko at hindi na pinansin si Ate Ally.
"Table 3 ulit."
Nanlaki ang mga mata ko at bahagyang napanganga.
"T-Table 3—"
"Oh, anong problema sissy? Alam mo hindi kita maintindihan. Ewan ko ba kung tinamaan ka ba sa mga 'yan at sobrang kabado ka!" putol sa 'kin ni Ate Ally.
"Aba, parang dati kahit may artistang pumunta rito hindi ka ninenerbyos, ah," ani naman Momshie.
"A-Ah, hindi, 'no! Diyan na nga kayo, dadalhin ko pa 'to," sagot ko saka sila iniwan sa counter.
"Here's your o-order. Tawagin n'yo nalang po kami kung may kailangan pa kayo," sambit ko, inilalapag ang tatlong americano coffee sa table nila.
Pabalik na sana ako nang tawagin ako ng isa sa mga customers.
"Miss, uh, may plantsa ba kayo rito? Naaalidbadbaran kasi ako sa hair mo. You know, nakakahiya naman sa mga prinsipe, so cheap."
Napaataas ako ng kilay sa sinabi niya. At sino siya para pakialaman ang buhok ko?! Okay, Gia, kalma.
Ngumiti ako. "Meron po ma'am, gusto niyo po plantsahin natin 'yang bibig nyo?" prangkang sagot ko at ngumiti ng nang-aasar dahilan para mamula siya sa inis.
"How dare you—"
"Excuse me! Nakakabatos naman saming mga prinsipe kung sasampalin mo siya sa harap namin?" putol sa kaniya ng isa sa mga prinsipe na may maamong mukha. Mukhang siyang mabait at may kulay brown na mga mata.
"Oo nga naman, pwede sa likuran nalang namin kayo mag-away? Gutom na kasi ako at 'di kami makakain ng maayos dahil sa eksena niyo," sabat naman noong katabi niyang kulay pula ang buhok. Mukhang playboy naman ito.
"Pasensya na po, excuse lang po," paumahin ko at tumalikod na para bumalik sa counter.
"Ah, miss! Konting tips lang. Siguro tama 'tong babaeng ito. Kailangan mo siguro ng plantsa o kahit konting suklay—"
"Bro, ano ba? Tumigil ka nga!"
Mas lalong napataas ang kilay ko sa sinabi ng prinsipeng naka-top knot ang buhok. Kung hindi lang 'to isa sa mga prinsipe natikman na nito ang kamao ko. Biro lang.
Umalis na lamang ako roon at nagtungo ng counter. Kailangan ko nang umiwas sa gulo ngayon, lalo na't magpapasukan na. Hindi ako pwedeng masangkot sa kahit anumang gulo.
"Sissy, okay ka lang ba? Anong nangyari—"
"Wala 'yon, sis. Okay lang ako," putol ko sa kaniya saka sila ningitian ni Mamshie.
"Sigurado ka, Gia?" paninigurado naman ni Mamshie. Tumango naman ako at nagpaalam na magsi-cr lang.
"Hay naku, Gia! Ano ba namang nangyayari sa 'yo?" mahinang sambit ko saka naghilamos. Hindi ko alam kung bakit ako nagkakaganito. Ano bang problema sa 'kin?
Nagpunas ako at nagmadaling lumabas ng restroom. Kailangan ko pang magtrabaho. Focus lang Gia, focus lang.
"Miss!"
Saglit akong napahinto at napapikit nang marinig kong muli ang boses niyang iyon. Gayun pa man ay nagpatuloy ako sa paglalakad. Mas mabilis kumpara sa normal kong lakad.

"Miss! Sandali!"
"Prinsipe, kung may plano po kayong laitin ako, pasensya na po. Wala po ako sa mood. Bukas nalang," kalmado kong sagot sa prinsipe. Siya ang sumaway kanina roon sa kasama niyang akala mo kung sinong perpekto.
"A-Ah... gusto ko lang sanang manghingi ng tawad sa sinabi ng Prinsipe Eros kanina," medyo nahihiya niyang sabi sa 'kin. Mabait naman pala Gia, kumalma ka na.
"Hayaan niyo na po iyon. Sanay naman po ako sa gano'n. Pasensya narin po," I answered and forced a smile.
"By the way, I'm Prince Cris Faulter," he introduced himself sabay lahad ng kamay. Nag-alangan naman ako kung tatanggapin ko ba ito o hindi.
Hello Gia, isa lang namang prinsipe ng Ethiopia ang nasa harapan mo ngayon. Isang prinsipeng may maamong mukha, bagsak at itim na itim na buhok, kulay brown na mga mata, matangos na ilong, manipis at kulay pulang labi at sobrang puti pa. Dinaig ang kulay ko.
I hate to admit it, but... sobrang gwapo niya. Kano nga lang.
Sa pagkakaalam ko, hindi naman sila mga Pilipino. I mean, purong dugong bughaw sila. Hindi ko nga alam kung bakit nandito sila pati na ang Averil. Pwede naman sa bansa nila.
"I-I'm Gia—"
"Prince Cris, naghihintay na po ang mga kamahalan sa inyo."
Agad kong inilagay ang kamay ko sa buhok ko at pakunwaring nagkakamot. Nakakahiya ka, Gia!
"E-Excuse me sir, mauna na po ako," nakatungong sambit at nagmadaling bumalik sa counter. Hindi ko na pinansin ang pagtawag pa niya sa akin at nagdire-diretso nalang.
"Oh, Gia nandiyan ka pala. Pakitapon mo naman ito sa labas."
Kinuha ko ang basura at lumabas ng back door para itapon. Malapit sa parking ang basurahan kaya rito na ako dumaan.
"Ah! Magnanakaaaw!"
* * * * *
Narrator,
Nang marinig ng dalaga ang sigaw ng isang babae, agad nitong binitawan ang dala-dalang basura at pinuntahan ito.
"Ma'am, okay lang po ba kayo?" tanong niya rito, sinundan ng tingin ang lalaking mabilis na tumatakbo palayo.
"Please, help me! Hindi pwedeng makuha yung bag—"
Hindi pa natatapos magsalita ang dalaga ay mabilis nang tumakbo si Gia para sundan ang magnanakaw. Nakabungo pa nito ang isa sa mga prinsipe na ipinagtaka nilang lahat. Naiwan namang gulat na gulat ang prinsipeng naka-top knot ang buhok dahil sa pagbunggo nito sa kaniya.
"What the fuck—"
"Hindi ba siya 'yung waitress kanina sa cafe?" tanong ni Prinsipe Klio.
"Oo, tara sundan natin!" sagot ng Prinsipe Cris nang makita ang papalayong anino ng dalaga.
"Ano ka ba, bro. Delikado—"
Hindi na rin natuloy ang pagpigil ng isa sa mga prinsipe nang mabilis na sumunod ang binata. Wala silang nagawa kung hindi pare-parehas na tumakbo at makisali sa habulan ng tatlo. Hindi nila pwedeng iwanan si Prinsipe Cris.
Ang dalaga naman ay mabilis na sinusundan ang lalaki na panay ang lusot sa makikipot na eskinita. Pagod na ito sa pagtakbo, ngunit hindi niya iyon alinta. Nagpatuloy parin siya sa pagtugis sa lalaki.
"Boss!" hinihingal na sambit ng lalaki kasabay nito ang paghagis niya ng bag sa lalaking naupo sa kaniyang motorsiklo.
"Jackpot! May kasama ka pang babae," nakangising sagot ng boss nila, pinagmamasdan ang babaeng matapang na humarap sa kanila.
"Ibalik. niyo. 'yung. bag. sa 'kin." May diin sa bawat salita na bigkas ng dalaga, ngunit hindi man lang natinag ang mga ito at tinatawanan lang siya.
"Nakakatakot naman, miss! HAHAHA! Hinding-hindi kami mapapabagsak ng isang tulad mo," tila nagyayabang na saad ng lider ng grupo bago senyasan ang mga galamay nitong atakihin ang dalaga.
Mabuti na lamang at alerto siya at nagawang labanan ang mga tauhan nito. Ngunit sadyang mas malalakas at mas madami sila kumpara sa dalaga kaya madali nila itong nasuntok sa tiyan, dahilan upang mapaluhod ito sa sakit. Kasabay niyon ang pagtilampon ng salamin nito papunta sa paanan ng lider nila.
"Ano na ngayon, binibini? Kaya mo pa ba ang mga tauhan ko?" nakangising tanong nito sa dalaga bago pulutin ang salaming nasa paanan niya.
Hinarap nito ang dalaga at unti-unting itinaas ang kaniyang mukha, hinahawi ang buhaghag at mahaba nitong buhok na humaharang sa kaniyang mukha. Ngunit matigas parin ang dalaga at pilit na iniiwas ang mukha nito sa kaniya.
Kasabay naman nito ang pagdating ng mga prinsipe. Pasugod na sana ang isa sa kanila ng pigilan ito ni Prinsipe Malix.
"H'wag na kayong makialam sa kanila Cris. Delikado ang grupong 'yan," matigas na sambit nito sa binata.
"Pero Lix, hindi mo ba nakikita? Baka patayin nila si... yung babae!" sagot pa ng binata at pilit na lumalabas sa pinagtataguan nila, kumakawala sa mahigpit na pagkakahawak ng mga kasamahan nito.
"Tss. It's her fault, Cris. Mahilig kasi siyang pumasok sa gulo," inis na sabat naman ng naka-top knot na prinsipe, si Prince Eros.
"Sino ba 'yang grupong yan Lix?" tanong naman ni Prince Klevin, ang prinsipeng may kulay pulang buhok.
"Grupo nila Uno. Sadyang masasama talaga ang mga taong 'yan. Manang-mana sa boss nilang si Marcus." Bakas ang galit sa binata nang sagutin ang tanong ng kasama. Kapansin-pansin din ang matalim na tingin nito sa grupo.
"Hindi ba talaga natin siya tutulungan? Baka patayin nila 'yang babaeng 'yan," sambit naman ng nakasalamin na prinsipe, si Prinsipe Klio.
"Tara, Klio, Kenz samahan niyo ko kung ayaw ng mga 'to," pagpupumilit pa ng prinsipe, ngunit agad ding natigilan nang makita ang sumunod na nangyari.
"Aba nagmamatigas ka pa talaga, ha? Gusto mo bang hindi ka na sikatan ng araw?!" galit na sigaw ng lalaki at pilit na iniharap ang mukha ng dalaga sa kaniya.
At dahil mas malakas ito, nagawa nitong iangat ang mukha ng dalaga. Laking gulat ng lahat ang pag-iiba ng ekspresyon sa mukha ng lalaki at unti-unti nitong pag-atras. Ilang sandali pa ay mabilis silang umalis at iniwan ang bag sa dalaga kasabay ang papalapit na tunog ng sirena mula sa mga pulis.
Hindi makagalaw sa kinatatayuan ang mga prinsipe. Wala kahit isa sa kanila ang makapagsalita at tila pinoproseso pa ang mga nangyari.
Samantala, pinilit namang makatayo ng dalaga at kinuha ang bag bago tahakin ang daan palabas. Napahinto pa siya nang makita ang anim na prinsipeng nakatingin lang sa kaniya at gulat na gulat sa nakita.
Unang nakabawi ang Prinsipe Malix at agad na tinanong ang dalaga. "Anong koneksyon mo sa kanila? Bakit sila natakot nang makita ka?" Ngunit parang walang narinig ang dalaga at nagpatuloy lang sa paglalakad.
"Giaaaa! Mabuti nalang ligtas ka! Anong nagyari sa 'yo? Bakit mo naman sinundan 'yung magnanakaw? Nahihibang ka na ba? May usapan na tayo, 'di ba?"
Sunod-sunod ang tanong sa kaniya ng mga katrabaho, ngunit tulad kanina ay binaliwala lamang niya ang mga ito at sinauli ang bag sa babae.
***
THE LOST PRINCESS SERIES
by: thesweetest_thing